Dall’incipit del libro:
MARINETTA:
Via, conzème pulito, che voggio parer bon.
TONINA:
Cara siora parona, se la xe bella, in ton,
Proprio che la fa voggia.
MARINETTA:
Eh via, no me burlè.
TONINA:
Eh, sti musi no i falla.
MARINETTA:
Che morbin che gh’avè.
Dè qua un poco de polvere.
TONINA:
Subito, son qua lesta. (Le dà la polvere.)
MARINETTA:
Deme quel fior de penna, che me lo metta in testa.
TONINA:
La servo. Xelo questo?
MARINETTA:
Questo. Me stalo ben?
TONINA:
Pulito. Ghe ne vorla un da metter in sen?
MARINETTA:
Sì ben, deme un garoffolo.
TONINA:
Vardè che bon sestin!
MARINETTA:
Pàrio bon co sti fiori?
Scarica gratis
