Dall’incipit del libro:
Vene in colegio sier Piero Contarini, cognominato philosopho, electo orator in Portogallo, dicendo, non poter andar con li danari deputati a spender per la parte, e non vol spender dil suo; e, non li volendo cresser, vol refudar; e cussì fue, come dirò poi.
Vene sier Polo Contarini, quondam sier Francesco, stato prexon di turchi, e scapolato, perchè fuzite a Napoli di Romania; et etiam vene a disarmar la galia, sopracommito sier Daniel Pasqualigo.
Di Pordenon, di sier Antonio Loredan, el cavalier, e sier Hironimo Donado, dotor, oratori nostri, vanno al re di romani. Si ave letere dil suo zonzer lì, ben visti e charezati; e seguirà loro viazo.
Di Alexandria, di 7 marzo, di sier Alvise Arimondo, consolo, e altri. Come, a dì 27 fevrer, zonse ivi 8 galie, ben viste da’ mori; et erano cargi colli 400 in galia, et 300 a marina; e per tre dì continui piovete; e si dice, le galie non harà il suo cargo. È confirmato esser morto Zuan Biancho, soldan vechio, et el diodar, che andò contra el signor di Damasco, si acordò con lui, e con soi favori fu fato soldan; e, fato, fece ditto signor di Damasco armirajo grando; e pochi zorni da poi fece amazar ditto armiraio, in modo che rimase libero signor dil tutto. E dicesse haver dato 600 sporte di piper a’ zenovesi e francesi, e, non volendo pagarle, fonno batudi.
Et di Damasco si ave, di 21 fevrer, che sier Piero Balbi, el cavalier, consolo nostro, era stà batudo etc.
Da poi disnar la Signoria dè audientia, e li savij consultono.
Direzione scientifica dell’edizione elettronica: Emanuela Brusegan (Venezia).
Coordinamento: Vittorio Volpi (Iseo). I volontari sono riuniti e coordinati mediante il gruppo “Sanuto elettronico”: http://it.groups.yahoo.com/group/sanuto/. L’edizione elettronica dei Diarii di Marino Sanudo è sostenuta dalla Comunità Montana di Valle Camonica, dal Consorzio BIM di Valle Camonica.
