Dall’incipit del libro:
A dì primo. Introno cai di LX a la banca sier Zuan Francesco Griti qu. sier Hironimo, sier Jacomo Loredan di sier Zuane, et il terzo, è sier Marco Donado qu. sier Mathio, non intrò per esser debitor. Item, capi dil Consejo di X sier Stefano Contarini, sier Piero Querini et sier Luca Trun; nè altri di Colegio si mudoe.
Vene il capitanio di le fantarie signor Renzo di Zere, e tolse combiato et licentia dal Principe. Si parte da matina per Friul, et va per la via di Treviso a ordinar certe fortificatione.
Vene il signor Fracasso di San Severino, qual fo con li savii di Colegio, poi zerca le cosse dil campo et quanto si arebe a far. Et disse zercha l’impresa di Lignago: el qual desidera esser conduto a’ stipendii di la Signoria nostra con ogni conditione.
Di Udene fo letere di sier Andrea Trivixan el cavalier, luogotenente. Et avisa come a dì 28 fevrer, zerca 200 cavali de i nimici, ussiti di Gorizia over Gradisca, erano venuti corando in la Patria fino sopra le porte di Udene, e fato danno di quello hanno potuto; sichè si provedi di mandar custodia a quela Patria, la qual, poi inteso il perder di Brexa, tutti è stati di mal animo. Item, che sier Zuan Vituri provedador zeneral di stratioti, è pur li, in Udene, ma senza zente.
Direzione scientifica dell’edizione elettronica: Emanuela Brusegan (Venezia).
Coordinamento: Vittorio Volpi (Iseo). I volontari sono riuniti e coordinati mediante il gruppo “Sanuto elettronico”: http://it.groups.yahoo.com/group/sanuto/. L’edizione elettronica dei Diarii di Marino Sanudo è sostenuta dalla Comunità Montana di Valle Camonica, dal Consorzio BIM di Valle Camonica.
